አድብቶ ነዳፊው ዳንኤል ክብረት የአውስትራሊያ አህጉረ ስብከት ዋና ሥራ አስኪያጅ ለመሆን እየሞከረ ነው

(http://awdemihreet.blogspot.com/)ባለሁለት ሚስቱ እና ፈቱ ዳንኤል ክብረት ያፈረሰ ሰው የሚገባውን ማርገጃ አድማቂነት እምቢኝ ብሎ ባልተማረው ትምህርትና በማይመልሰው ተሰጥኦ “ዲያቆን” ተብሎ ለእርሱ ብጤ ጨዋ ማኅበርተኞቹ “ሊቅ” ሆኖ እና “ሊቅ” ተሰኝቶ ከእውነተኛ የቤተክርስቲያን ሊቃውንትና አባቶች ሸሽቶ እንደ እርሱ በሁለት ሀሳብ በገንዘብ እና በዝሙት ከሚያነክሱ አባ አብርሃም እና አባ ኤዎስጣጢዎስን ከመሰሉ ግለሰቦች ተጠግቶ በአድርባይ ብዕሩ እነዚህን የጉድ ሙዳዮች እየሸላለመ የነበረበት ሁኔታ አልበቃ ብሎት አሁን ደግሞ የአውስትራሊያ አህጉረ ስብከት ሥራ አስኪያጅ ለመሆን ደፋ ቀና እያለ ነው፡፡

ማህበርዋን በዋና ጸሐፊነት በመራባቸው ረጅም አመታት ከየዋኃን አባላት ከሚሰበሰበው ገንዘብ እና ከቤተክርስቲያን የድርሻውን ወስዶ በሲኤምሲ ሁለት ቤቶችን የሰራው እና እና ከጊፍት ሪል እስቴት አንድ ቤት በመግዛት የሦስት ቤቶች ባለቤት የሆነው ዳንኤል ክብረት አሁን ደግሞ ሌላ ሦስት ቤት የሚሰራበትን ገንዘብ ከቤተክርስቲያን ለመዝረፍ እየተንቀሳቀሰ ይገኛል፡፡ ይህንን ለማሳካት በሲአይኤ ወኪልነት በሚታወቀው እና እንደ እባብ ልስልስ ገላውን እያሳየ የተንኮል ድሩን በሚያደራው እና በቅርቡ የማኅበሩን አንጃ በሀሳብ የተቀላቀለው  በአቶ ባያብል አማላጅነት ጉዳዩ መስመር የያዘለት የመሰለው ዳንኤል ለቅርብ ወዳጆቹ የአውስትራሊያ ሀገረ ስብከት ሥራ አስኪያጅ የመሆኑ ጉዳይ ያለቀለት መሆኑን ሲናገር ተሰምቷል፡፡ በዚህም ተቋርጦ የነበረው የዳንኤል እና የባያብል ፍቅር የታደሰ መስሏል፡፡

የአማርኛ ቋንቋ ሙሩቅ የሆነው እና በሥነ ጽኁፍ ችሎታውን ተጠቅሞ እውነትን እያጣመመ እራሱን ለወንጌል ጠላትነት ያጨው ዳንኤል በአስራ ዘጠኝ ሰማንያዎቹ አጋማሽ ላይ ማኅበሯን ለማግነን እና ተቀባይነቷን ለማስፋት ተሃድሶ የሚል ቃል በማወጅ እውነተኛ የቤተክርስቲያን ሊቃውንትን ጠልፎ ለመጣል ከፍተኛ እንቅስቃሴ ማድረጉ የሚታወቅ እውነት ነው፡፡ በዚህ እንቅስቃሴው የመጀመሪያ ሰለባዎቹ ከነበሩት የቤተክርስቲያኒቱ ሊቃውንት መካከል ቅዱስነታቸው አቡነ ጳውሎስ ብጹዕ አቡነ መርሐክርስቶስ እና መጋቢ ብሉይ ሰይፈስላሴ ይገኙበታል፡፡

በፈጠራ ክስ የሰዎችን ስም ሲያጠፋ የኖረው ዳንኤል ክብረት በአንድ ወቅት አሜሪካ “አገለግላለሁ” ብሎ ሔዶ ሲውተረተር አካሄዱ ሳይጥማቸው ቀርቶ ፊት ስለነሱት ከአሜሪካ እንደተመለሰ የገሀነም ደጆች ብሎ በስምአጽድቅ ጋዜጣ በመጻፍ ብጹዕ አቡነ መልከጼዲቅን ጨምሮ በርካታ የቤተክርስቲየኒቱን ሊቃውንት መናፍቅ በማለት ወፈ ግዝት አድርሶባቸው እንደነበር አይዘነጋም፡፡

በአሜሪካን ሀገር አባ አብርሃም ከተሾሙ በኋላ ከአባ አብርሃም ጋር ከራጉኤል ጀምሮ ያስተሳሰረው የንዋይ እና  የጭን ፍቅር እንደገና ቀጥሎ በአሜሪካን ሀገር ባሉ አብያተ ክርስትያናት እንደፈለገ ይምነሸነሽ የነበረ ቢሆንም አሁን ግን አቡነ ፋኑኤል ከተሾሙ በኋላ መንገድ ሥላጣ እንዲሁም በመላው ኢትዮጵያ ያሉ አብዛኛዎቹ ሀገረ ስብከቶች የሱን የድፈረት ዕውቀት የሚያግዝ መድረክ ለማዘጋጀት ፈቃደኛ ባለመሆናቸው በቤተክህነት ትምህርት ምንም አይነት እውቀት ሳይኖረው በድፍረት የአውስትራሊያውን አህጉረ ስብከት ሥራ አስኪያጅነት ተመኝቷል፡፡

ሀሳቡን የጀመረው እራሱ ዳንኤል ሲሆን በትውልድ ከእሱ ጋራ የአንድ አካባቢ የሆኑትን የቀድሞውን ሥራ አስኪያጅ በማግባባት እና እንደ ባያብል ያለን ከፓትርያርኩ ጋር የተለየ ቀረቤታ አለኝ የሚል ግለሰብ በመታመን አብስየዋለሁ የሚለውን ሥራ አስኪያጅነት በሩቅ እያየ መጎምዠት ጀምሯል፡፡ የነ ዶክተር ሥርግውን መጽሐፍ የአማርኛ አጻጻፍን ብቻ በማስተካከል የቤተክርስቲያን መረጃዎች በማለት ገልብጦ የጻፈውን መጽሐፍ በማሳተሙ ምክንያት ራሱን የቤተክርስቲያን ተመራማሪ በማለት የሾመ ግለሰብ ነገ ደግሞ ሥራ አስኪያጅ ቢሆን ለቤተክርስቲያን ሳይሆን ለክብሩ ሊሰራ የሚችላቸውን ነገሮች ስናስብ የእንዲህ ያለውን መሰሪ አድብቶ ነዳፊን የሹመት ፍቅር አጥብቀን ልንታገለው ይገባል፡፡