የማህበረ ቅዱሳን ድረገጽ ደጀ ሰላም ለምን ተቀዛቀዘ?

ማህበረ ቅዱሳን በስዉር የሚፈልገውን እያጻፈ ቤተክርስቲያናችንን ሲበጠብጥ የነበረው ደጀሰላም ድረገጽ እየተቀዛቀዘ መምጣቱን ከቅርብ ጊዜ ወዲህ እያስተዋል ነው። ለምን ተቀዛቀዘ? ለሚለው ግን ድረገጹ የሚያቀርባቸው ምክንያቶች ውሃ የሚያነሱ ሆነው አልተገኙም። ከምክንያቶቹ አንዱ ከስሜ የተወሰነ ፊደል እየገደፉና እየጨመሩ የተለያዩ ድረገጾች በስሜ ተከፍተዋል የሚል ነው። ይሁን እንጂ ድረገጹ በርካታ ተገዳዳሪና ወደረኛ የሆኑ ድረገጾች ተከፍተው አፉን ማዘጋት ስለቻሉ ነው ቢባል ማጋነን አይሆንም። ደጀሰላም ያለ ተቀናቃኝ ብቻውን ድረገጽን የተቆጣጠረበትና እውነትን ሀሰት፣ ሀሰትን እውነት እያለ የሚዘላብድበት፣ አላማውን የተቃወሙ ብጹዓን አባቶችን ስም ሲያጎድፍ የነበረበት፣ በብዙ መንፈሰዊ ችግሮች ውስጥ የተዘፈቁና እርሱን የደገፉትን ሁሉ ሰማይ ላይ የሰቀለበት ዘመን ስላበቃና አማራጭ ድረገጾች የእርሱን ድብቅ ገመና አደባባይ ላይ በማስጣት እውነትን መመስከር ስለጀመሩ ነው። በተጨማሪም የማህበረ ቅዱሳን ፖለቲካዊ አጀንዳ ስለ ተነቃበትና የመንግስትን ትኩረት ስለሳበ የፖለቲካዊ ስሜቱ ማስተንፈሻ የሆነው ደጀሰላም ለጊዜው ራሱን ደበቅ ለማድረግ በሚል ማህበሩ አዲስ በከፈታቸው በአንድ አድርገንና በገብርሄር ላይ ግልጽ ፖለቲካ የሚንጸባረቅባቸውን፣ መንግስትንና ህዝብን ለማጋጨት ጥረት የሚያደርጉ፣ ህዝቡን ከቤተክርስቲያን አባቶች ጋር ለማናከስ የሚቀሰቅሱ ዘገባዎችን በስፋት እያወጡ ይገኛሉ።

ይህ እንደተጠበቀ ሆኖ በአሁኑ ሰዓት ድረገጹ ተቀዛቅዞ የሚገኘው ድረገጹን ከማህበረ ቅዱሳን በተመደበ በጀት በዋናነት ሲያንቀሳቅስ የነበረው ሱራኤል ወንድሙ አሜሪካ መግባቱን ተከትሎ ነው። ለደረገጹ የሚሆኑ ወሬዎችን በመቃረም ለማህበሩ በሚጠቅም ሁኔታ እያዛቡና እያዛነፉ የሚሰልቁት ቱሪስት ሆቴል፣ ምርፋቅ እና ሶመሰ ካፌና ሬስቶራንቶች የማይጠፋው የድራፍት ጠጪዎች ቡድን ነው። የዚህ ማፍያ ቡድን አባላት ሰብሳቢያቸው ሱራፌል ወንድሙ፣ ጳውሎስ /መረዋ/ መልክአ ስላሴ፣ በመሰሪነቱ የሚታወቀው ዳንኤል (ዴራ) ተስፋዬ ሞሲሳ፣ ሰለሞን (የአዲሱ ሚካኤል) ምክትል ሰባኬ ወንጌል፣ ወንድወሰን፣ እና ሌሎች ያሉበት ስብስብ ነው።

ይህ የጠጪዎች ቡድን፣ ከዚህ ቀደም የሰባኪዎች ህብረት በሚል ለመሰባሰብ ሞክሮ የነበረ ሲሆን፣ ፋንቱ ወልዴ ከአሜሪካ 40 ሺህ ብር የሚጠጋ ገንዘብ ለቡድኑ መስጠቷ ታውቋል። ሲሰርቅ አንድ የሆነ ሲካፈል እንደሚጣላ ሁሉ፣ በመጣው ብር ዙሪያ ጠብና ክርክር ተነስቶ እንደነበረና በገንዘብ ፍቅር ተነድፎ የሚገኘው ጳውሎስ በቂ ገንዘብ አላገኘሁም በሚል ከቡድኑ መለየቱን ለአንዳንዶች እያስወራ ይገኛል። ይሁን እንጂ የክፋት ስራ ከቡድኑ ጋር ስለሚያገናኘው ተመልሶ አንድ የሚሆንበት ጊዜ እንዳለ በቅርብ የሚያውቁት ይመሰክራሉ።

የድረገጹ ዋና ጦማሪ የነበረው የነገረ ሰሪው ጋዜጠኛ የሱራፌል ወንድሙ ወደአሜሪካ መግባት ለድረገጹ በእንቅርት ላይ ጆሮ ደግፍ ሆኖበታል። ስለዚህ ደጀሰላም በወለዳቸው ሌሎቹ ድረገጾች ለጊዜውም ቢሆን ስሙን ቀይሮና በፖለቲካው ፍጹም ተጠምቆ ሽብር መንዛቱን ቀጥሏል። “ዋልድባ በመንግስት ተደፈረ ተነሱ”፣ “በጎንደር የአብነት ትምህርት ቤት ተቃጠለ ተነሱ”፣ “ዝቋላ እየተቃጠለ ነው ተነሱ” በማለት በግልጽ ፖለቲካዊ አጀንዳውን በሃይማኖት ሽፋን ለማስፈጸም እየተራወጠ ይገኛል። ይሁን እንጂ ሁሉንም ነገር ህዝቡ እየታዘበ ስለሆነ የማህበረ ቅዱሳን ፖለቲካዊ ቅስቀሳ የትም አይደርስም። ምናልባት ገመዱን ለማሳጠር ምክንያት እንዳይሆነው ነው የብዙዎች ስጋት። ከዚህ ሁሉ በተቃዋሚ ፖለቲከኛነት በህጋዊ መንገድ ተመዝግቦ ቢንቀሳቀስ ለቤተክርስቲያኗ እረፍት፣ ለማህበሩም ነጻነት ይሆን ነበር።