ማህበረ ቅዱሳን በተሀድሶ ዘመቻ ስም ከሰበሰበው ገንዘብ የድርሻውን ያገኘው “ወልደ ዘርአ ያዕቆብ” ማን ያዘዋል ባለ መኪና ሆነ

ነጭ በነጭ ለብሶ አራት ኪሎን ሲያካልል የሚውለውና በጠቅላይ ቤተክህነትና በአዲሰ አበባ ሀገረ ስብከት ከቢሮ ቢሮ እየተዘዋወረ ወሬ በማቀባበል ስራ ፈቶ ስራ በማስፈታት የሚታወቀው አቶ ማንያዘዋል መኪና መግዛቱ ተሰማ፡፡ ከወዲያ ወዲህ ወሬ የሚያመላልሰው እንዲያው ጥሎበትና አመል ሆኖበት ብቻ ሳይሆን፣ ማህበረ ቅዱሳን የሰጠው ተልእኮም ስለሆነ ነው፡፡ በባለፈው ሲኖዶስ ስብሰባ ላይ የጳጳሳቱን ጉዳይ ማህበሩ በእርሱ ላይ ጥሎ እንደነበረና እርሱም ተልእኮውን በተገቢው መንገድ መፈጸሙ ይታወሳል፡፡ ማህበረ ቅዱሳን በቤተ ክርስቲያን ልጆች ላይ ያቀረበውን በወረቀት የሰፈረ የስም ማጥፋት ክስ ለጳጳሳቱ ያደለውም ይኸው የማህበሩ ወሬ አቀባባይ ማን ያዘዋል ነው። በዚህ ጸባዩና ከቢሮ ቢሮ እየተዘዋወረ ከፎቅ ፎቅ እየወጣ እየወረደ ስራ በማስፈታቱና በሌላም ለጊዜው ባልተገለጸ ምክንያት ቤተክህነት ግቢ እንዳይደርስ እስከ መከልከል ደርሶ ነበር፡፡

ግለሰቡ በኢትዮጵያ ኦርቶዶክስ ተዋህዶ ልማት ኮሚሽን ሠራተኛ የነበረ ሲሆን፣ ከመዞርና ወሬ ከማመላለስ በቀር ሌላ ሞያ ስለሌለው ከስራ መባረሩን የደረሰን መረጃ ያመለክታል፡፡ ይሁን እንጂ ከቀድሞ ጀምሮ ተጨማሪ ደመወዝ ይሰጠው የነበረው ማህበሩ በአሁኑ ሰአትም ክፍያውን እንደቀጠለ ሲታወቅ፣ በአሁኑ ጊዜ እንደ ቢሮ መዋያው በቅድስት ስላሴ መንፈሳዊ ኮሌጅ የነገረመለኮት ምሩቃን ቢሮ ውስጥ መሆኑ ታውቋል፡፡ 

 በዚህ ሁኔታ ላይ የሚገኘው ማንያዘዋል ከሰሞኑ የመኪና ባለቤት ሆኖ መከሰቱ ብዙዎችን አነጋግሯል፡፡ የወር ደሞዝተኛ  በሆነበት ሁኔታ እንዴት መኪና ሊገዛ ቻለ? የሚለው ጉዳይ ግን አነጋጋሪ ሆኗል፡፡ በቤተክርስቲያን ዙሪያ የሚከሰቱትንና ራሱም የሚፈጥራቸውን አጋጣሚዎች ሁሉ ገቢውን ለማሳደግ የሚጠቀምበት ማህበረ ቅዱሳን መኪናውን እንደገዛለት የቅርብ ሰዎች እየተናገሩ ነው፡፡ በዘመቻ ተሀድሶ ምክንያት የ11 ሚሊየን ብር ፕሮጀክት ቀርጾ ግንዛቤ ማስጨበጫ በሚል ገንዘብ ሲለምን የነበረው ማህበረ ቅዱሳን ከሰበሰበው ገንዘብ ለማንያዘዋል የድርሻውን ሰጥቶ መኪና ሊገዛ ችሏል። ምክንያቱም ሰውዬው የማህበሩ የቁርጥ ቀን ልጅ በመሆን በዘመቻ ተሀድሶ ወሬ እያቀባበል በተለይ በሲኖዶስ አካባቢ ለማህበሩ ከፍተኛ ገድል ፈጽሟል፡፡

ማህበሩ ስንት ሰበሰብህ? ለምን ጉዳይ አወጣህ? ስንት ቀረህ? የሚል ጠያቂ የሌለበትና በቤተክርስቲያን ጉዳዮች ውክልና ሳይሰጠው በማንአለብኝነት ከአገር ውስጥና ከውጭ አገር በብዙ ሚሊየን የሚቆጠር ብር የሚሰበስብ የናጠጠ ማህበር ነው፡፡ ጌታችን ኢየሱስ ክርስቶስ በዮሐንስ ወንጌል ላይ እንደተናገረው “ብርሃንም ወደ ዓለም ስለ መጣ ሰዎችም ሥራቸው ክፉ ነበርና ከብርሃን ይልቅ ጨለማን ስለ ወደዱ ፍርዱ ይህ ነው። ክፉ የሚያደርግ ሁሉ ብርሃንን ይጠላልና፥ ሥራውም እንዳይገለጥ ወደ ብርሃን አይመጣም፤ እውነትን የሚያደርግ ግን ሥራው በእግዚአብሔር ተደርጎ እንደ ሆነ ይገለጥ ዘንድ ወደ ብርሃን ይመጣል።” (ዮሀ. ፫፥፲፱-፳፩)

ማህበሩ ከላይ ከተገለጸውና ከሌሎችም ክፉ ስራዎቹ እንዲታቀብ በብርሃን ተመላለስ የሚለውን ሁሉ የሚጠላ የጨለማ ልጅም ስለሆነ ብርሃንን እንደጠላና በጨለማ መኖርን እንደመረጠ 20 ዓመታት አለፉት።