የሊቀ ስዩማን ኃይለ ጊዮርጊስ ሹመት ለመላው ሰሜን አሜሪካ አህጉረ ስብከት የስቴት ቤተክህነቶች ተላለፈ

Click here to read in PDF

ሰሞኑን ጉባኤ አርድዕትን ለማቋቋም እየሰራ ነው በሚል የማኅበረ ቅዱሳን የነገር በኩር ብሎግ ደጀ ሰላም ከፍተኛ የስም ማጥፋት ውንጀላ ያደረገችበት ሊቀ ስዩማን ኃይለ ጊዮርጊስ የመላው አሜሪካ አኅጉረ ስብከት ዋና ሥራ አስኪያጅነት ሹመት ለመላው የሰሜን አሜሪካ አህጉረ  ስብከት ተላለፈ። በመንፈሰ ጠንካራነቱ እና ቤተክርስቲያንን በቅንነት ለማገልግል ባለው ተነሳሽነትና ጥረት የሚታወቀው ሊቀስዩማን በተሰጠው ሹመት ተገቢውንና ቤተክርስቲያንን የሚጠቅም ስራ ይሰራበታል ተብሎ ይታመናል።

ኃይለጊየርጊስ በተሾመበት ሥልጣን ላይ የነበሩት በቅርቡ የክብር ክህነቱ የተሻረው ዶክተር መስፍንን ጨምሮ በሙሉ የማቅ አባላት ሲሆኑ አቡነ አብርሃም ለማኅበሩ ያላቸውን ታማኝነት ያረጋገጡበት ሹመት እንደነበር ይታወቃል። እነ ክህነት በጉልበቱ መስፍንም የስራ ድርሻቸው እስኪጠፋቸው ድረስ የእውር ድንብር መውተርተራቸው ያስከተለው ችግር ይስተካከል ዘንድ እንደ ሊቀ ስዩማን ኃይለ ጊዮርጊድ ያሉ ሰዎች መሾማቸው ተገቢ ነው።

ሊቀ ስዩማን ኃይለጊዮርጊስ እስከአሁን ድረስ በቤተክርስቲያን ውስጥ እያደረገ ያለውን አስተዋጽኦ የሚያውቁ ሰዎች በአህጉረ ስብከቱ የተለየና ጠንካራ ስራ የመስራት አቅሙን በአግባቡ የሚያሳይበት ዕድል አግኝቷል ይላሉ። 

ሃያ አመት ሙሉ ባልተቀየረው የማኅበረ ቅዱሳን የክስ አንቀጽ  በጾም በላ የፕሮቴስታንቱን አዳራሽ ያዘወትራል እና መሰል ውንጀላዎችን ያቀረበችበት ደጀ ሰላም ከተለመደው ስድብና ማጣጣል የነገር ክስ አንቀጽ ወደ መምዘዝ የተሻገረችው የሊቀ ስዩማኑ እንቅስቃሴ ስለአስደነገጣቸው መሆኑ ታውቋል።

ማኅበረ አርድዕት በቤተክርስቲያኒቱ ከፍተኛ ስልጣን ባላቸው እና በጠንካራ አገልጋዮች የተዋቀረ መሆኑ “እውነተኛ ሠራተኛ ሲገለጽ ሰራሁ ብዬ የምመጻደቅበት ሥራዬ ሁሉ ባዶ መሆኑ ይገለጻል። ሥራ ፕሮፓጋንዳ መሆኑ ቀርቶ ተግባር ይሆናል” በሚል ሥጋት የተዋጠው የማኅበረ ቅዱሳን አመራር ጉባኤውን በተገኘው አጋጣሚ ሁሉ ለመምታት እንዲህ እንቅልፍ አጥቶ መታየቱ ጉባኤው ሥራ ሳይጀምር እንዲህ የሆኑ ሥራ መስራት ቢጀመርማ ምን ሊሆኑ ነው አስብሏል።

ሥር በሰደደ ጎጠኝነት የሚታወቁት የማኅበሩ አመራሮች ኃይለጊዮርጊስን ጉጠኛ ሲሉ ስማችንን እንካ ውሰድ ብለውታል። በአንድ ወቅት የማኅበሩ አመራር የነበረ ሰው የማኅበሩን አመራሮች ምሳ ይጋብዛል። እነርሱም ደስ ብሏቸው ቤቱ ምሳ ሊበሉ ይሄዳሉ። የልጁ ቤትም ሲደርሱ የልጁ እናት በማኅበሩ አመራርነት ደረጃ ባልተገባ ቋንቋ ሲናገሩ ይሰማሉ ያልጠበቁት ነገር ነበርና ድንጋጤ ሲገባቸው ልጁም ቋንቋውን ከእናቱ ተቀብሎ ያስነካው ጀመር ረዘም ያለ ጊዜ ይወስዳል የተባለው ምሳ በአጭሩ ተቋጭቶ በነጋታው ሰርጎ ገብ ተገኘ በሚል አስቸኳይ ስብሰባ ተደርጎ ልጁ ከአመራርነት እንዲወገድ እና በሳምንቱ እንዲነገረው ይደረጋል።

ልጁም ነገሩ ስለገባው በጣም በማዘን “በእውነት ቤተክርስቲያንን ለማገልገል አድል አገኘን ብለን ብንመጣም የማኅበሩ አላማ ለካ ሌላ ኖሯል” ሲል ተደምጧል። እንዲህ ባለ ዘረኝነት የተያዘው ማኅበር “ጉባኤ አርድእት የዘረኝበት ውጤት ነው” ሊለን ሲሞክር ጥቂትም ለማፈር አልፈቀደም።

ማኅበረ ቅዱሳንን በደንብ የሚያውቀው ኃይለጊዮርጊስ፥ በሚያወጣቸው እቅዶችና በእቅድ አፈጻጸሙ የሚደነቅ ሲሆን በአሁኑ ጊዜ በኢንተርናሽናል ዲቨሎፕመንት የዶክትሬት ዲግሪውን እየሰራ ይገኛል። ሊቀ ስዩማን ኃይለ ጊዮርጊስ በአሜሪካ ምድር ታዋቂ ከሆኑ የቤተክርስቲያናችን ሰባኪዎች አንዱ ሲሆን በተሳካ ራዕይ ቤተክርስቲያንን ለማገልግል እየጣረ ያለ የቤተክርስቲያን ውድ ልጅ ነው።