መንግስት ለማኅበረ ቅዱሳን የመጨረሻ ማስጠንቀቂያ ሰጠ

masetenqeqiya lemk: Clicl HEre to Read in PDF

(ሐምሌ 11 2004 ዓ.ም. ፣አውደ ምህረት/www.awdemihret.blogspot.com)የበቀለውን እየነቀለ የታጨደውን እየበተነ ቤተክርስቲያንን የሁከት መንደር ያደረገው ማኅበረ ቅዱሳን አሰራሩን እንዲያስተካክል የመጨረሻ ማስጠንቀቂያ ተሰጠው።

ማስጠንቀቂያው የተሰጠው በሐምሌ ወር መጀመሪያ ላይ ሲሆን የመንግስት ከፍተኛ አመራሮች  የማኅበረ ቅዱሳን አመራሮች ጠርተው ውስጣቸውን እንዲያጠሩ፣ ሃይማኖቱ ከሚፈቅድላችሁ ወሰን ወጥተው ከሚፈጽሙት ድርጊት እንዲቆጠቡ፣ ከየትኛውም የአመጽ ሥራ በስተጀርባ ጥላቸውን እያጠሉ የሚያደርጉትን እንቅስቃሴ እንዲገቱ፣ ከሌላ ጽንፈኛ ሐይል ጋር ያላቸውን ግንኙነት እንዲያቆሙ፣ ቤተክርሰቲያኒቱን በመበጥበጥና ስራዋን ሁሉ እቆጣጠራለሁ በማለት የሚያደርጉትን ሩጫ እንዲገቱ አካሄዳቸውን የማያስተካክሉ ከሆነ ግንከዚህ በላይ ሊታገሳቸው እንደማይችል እና መንግስት የሰበሰባቸው መረጃዎች ማኅበሩን ለማፍረስ እና በወንጀልም ለመጠየቅ በቂ  እንደሆኑ ተነግሯቸዋል።

ከአመሰራረቱ ጀምሮ እጁን በደም ነክሮ የተነሳው ማኅበር በተለያዩ ወንጀሎች እየተጠላለፈ አሁን ያለበት ደረጃ ላይ ደርሷል፡፡ እነ እሸቱ ለዛር እያደነከሩ የ8 ሴቶች ክብረ ንጽህናን ገፈው የመሰረቱት ማኅበር በደም አበላ እየተነከረ እስከ ቅርብ ጊዜ ድረስ ሲፈጽማቸው የነበሩ የነብስ ግድያ የሙስና እና የተለያዩ ወንጀሎች በሙላት የሚታወቁ ሲሆን ያስጀመራቸው የዛር መንፈስ የደም ግብሩን በየአመቱ በተለያየ መንገድ እየተቀበለ ይገኛል፡፡ 

ሁከት ባለበት ቦታ ሁሉ ከሰሁ ሁሉ ቀድሞ አለሁ የሚለው ማኅበር የሰከነውን እየበጠበጠ ያማረው እሸት ላይ አረም እየዘራ ይኸው ቤተክርስቲያንን 20 ዓመት ሙሉ እያመሳት ይገኛል፡፡ ቤተክርስቲያን ውስጥ ያካሂድ የነበረውን የአመጻ መንገድ አሁን ደግሞ ጡንቻዬን አፈረጠምኩ ብሎ ወደ መንግስት ላይም ያዛረው ሲሆን በተለይም በሰሜን አሜሪካ ከፖለቲከኞች የባሰ ፖለተከኞ ሆኖ ኢትዮጵያዊውን እያመሰው ይገኛል፡፡ ዳንኤል ክብረትም በስልታዊ መንገድ ሲሸሸው የነበረውን ፖለቲካ አሁን በይፋ “…የት ሄደን እንተንፍስ ተጨቆንን እኮ…” እያለ በአሜሪካ ባለችው ቤተክርስያቲን መድረክ ላይ መናገር ጀምሯል፡፡

ማኅበሩ ኢትዮጵያ ውስጥም በተለያየ መንገድ መንግስት የማዳከም ስራ እየሰራ ሲሆን በህዝብ ስሜት እየገባ ያልበላውን እያሳከከ ህዝቡን በተለያያ የአመጻ መንገዶች እየቀሰቀሰ ይገኛል፡፡ ለዚህም እንደ መሳሪያ በሕቡዕ  ብሎጎቹ እና በጆሮ ማስታወቂያ ይጠቀማል፡፡ እንደ ምሳሌ ማሳያ የሚሆነው የዝቋላ ገዳም ደን ቃጠሎ እና የዋልድባ ጉዳይ ነው፡፡ በዝቋላ ጉዳይ እሳት መነሳቱ እውነት ነው፡፡ በርካታ የቤተክርስቲያን ልጆች ሕይወታቸውን ሰውተው እሳቱን ለማጥፋት ያደረጉትም ርብርብ እጅግ የሚያኮራና በታሪክ ፊትም ስማቸውን የሚያስጠራ ነው፡፡

የእሳቱ መነሻ ግን የማኅበረ ቅዱሳን ብሎጎች ይሉት እንደነበረው በመንግስት አሊያ ደግሞ በእስላሞች ምክንያት የተከሰተ አልነበረም፡፡ በሀገራችን በኢትዮጵያ የበልግ ዝናብ በዘገየ ቁጥር እሳት መነሳቱ ተደጋጋሚ ክስተት ነው፡፡ ባለፉት በርካታ የበልግ ዝናብ በዘገየባቸው አመታት ሁሉ በጥቂት ምክንያት እሳት እየተነሳ የማይተኩ ደኖች ወድመዋል፡፡ ይህንንም እውነት እያወቁ ግን ይሆነኝ ብለው መንስኤውን ወደ ፖለቲካዊ አቅጣጫ ለመውሰድ መሞከራቸው አሳዛኛም አሳፋሪም ድርጊት ነበር፡፡

መንግስት መሳሪያ ለማጓጓዣ የገዛቸውን ኢሊከፍተሮች በማጥፍት ሥራው ላይ ለምን አልተሰማሩም በማለት ኢሊኮፍተሮች በእሳት ማጥፋት ዘመቻ ሲሳተፉ በቴሌቪዝን ከማየት ባልዘለለ እውቀታቸው ሲተቹ አንብበናል፡፡ በኢሊኮፍተር እሳት በማጥፍት ሙያ የሰለጠነ ባለሙያ ሳይኖረን የእሳት ማጥፊው ኬሚካል ሳይገዛ ለእንደዚህ አይነት ዘመቻ መሰማራት የሚችሉ አሊኮፍተሮች በሌሉበት ሁኔታ አሳት አጠፋ ብሎ ኢሊኮፍተር ይዞ መውጣት የበለጠ አደጋ ሊያስከትል ይችላል፡፡ የስም  ጥፍት ዘመቻው ግን ህዝቡ በመንግስት ላይ የሚያቄምበት ምክንያት ሆኖ አልፏል በዚህም ማኅበሩ ሊያሳካው የፈለገውን ግብ በከፊል መቷል፡፡

የዋልድባም ጉዳይ ተመሳሳይ ነው ማኅበሩ በሕጋዊ ዌብ ሳይቱ ስለዋልድባ ያጠናሁት ጥናት በማለት ፕሮጀክቱን ትክክለኛ አቀማመጥና ይዘት ከጎግል ‰ርዝ በወሰዱት ካርታ አስደግፈው እያቀረቡ እና ችግር የለውም እያሉ በህቡዕ ብሎጎቻቸው ግን ገዳሙ እንደፈረሰ በመስመሰል ከፍተኛ ሁከት በመዘርጋት ላይ ይገኛሉ፡፡ በሕጋዊው ሪፖርታቸው ፋብሪካው በአንዱ በኩል ከገዳሙ 36 ኪሎሜትር በሌላኛው በኩል ደግሞ በ50 ኪሎሜትር ርቀት ላይ ይገኛል ብሎ ሲያበቃ በእነ ደጀ ሰላምና አንድ አድርገን ግን የተነስ ታጠቅ ዝመት ቅስቀሳውን ሲያካሄድ ሰንብቷል፡፡ ሰሞኑን እንኳ ለ3 ሳምነት ያህል አርምሞ ላይ የነበችው ደጀ ሰላም አቡነ ጳውሎስ ጀርመን አገር በዋልድባ ጉዳይ ሰልፍ እንዳይደረግ አስደረጉ ሲል አስነብቦናል፡፡

ሰልፉ ሰላማዊ እስከሆነ ድረስ አንጀላ መርከል እንኳ መከልከል በማይችሉባት ጀርመንን በመሰለ  ሀገር አቡነ ጳውሎስ ሰልፍ አስከለከሉ ብሎ ማስወራት እራስን ከግምት ውስጥ ከመጣል ወጭ የሚያስገኘው ጥቅም የለም፡፡ የጭፍን ደጋፊ ልብና ስሜት ግን ጠርቆ ለመያዝ ይረዳ ይሆናል፡፡ ለንግስ ወደ ገዳሙ የሚሄዱ ክርስቲያኖችን ለአመጽ  እየሄዱ እንደሆነ በማስመሰል የተከተሉዋቸው ቅስቀሳ ማድረግንምም ስራዬ ብለው ተያይዘውታል፡፡ ፓትርያርክነቱ እነደ ጭን ገረዶቻቸው በአይናቸው ላይ የሚመላለስባቸውን አቡነ ሳሚኤልን በመጠቀም የዋልድባ መነኮሳትን ለማነሳሳትና ወደ አመጽ ለመግፋትም ያልተሳካ ሙከራ አድርጓል፡፡

ገና ለገና መንግስት የማኅበረ ቅዱሳን አመራሮች  ለማነጋገር ቀጠሮ መያዙን ስትሰማ በከፍተኛ ድንጋጤ ተመታ ኮማ ውስጥ ገብታ የነበረችው አንድአድረገንም ከ10 ቀናት ቆይታ በኃላ ሪከቨር አድርጋ ሰሞኑን ወደ አደባባይ ብቅ ብላለች።  ኮማ ውስጥ የገባ የሚናገረውን እውነት እውነቱን ብቻ እንደሆነ ሁሉ አንድ አድርገንም የመታታት የድንጋጤ ምች አስለፍልልፍ የሚባለውን ጋኔን አስነስቶባት ማኅበረ ቅዱሳን አይደለሁም እያለች ስትገዘት እንዳልነበር እወቁልኝ ማኅበረ ቅዱሳን ነኝ ወከባ ስለበዛብን የጭንቀት ጣሩ እስኪለቀን ኮማ ውስጥ ገብቻለሁ ብላ ተሰናብታን ነበር። እንደ ደጀ ሰላም በዝምታ ማሸለብ እየቻለች ኡኡ ብላ ማኅበረ ቅዱሳንነቷን ተናግራ ለማሸለብ መሞከርዋ ድሮስ የሕጻን ነገር እንዳልበሰለ ሽሮ በሁሉ ነገር ያንተከትካቸዋል አስብሎባቸዋል።

ማኅበሩ ሰው የለውም ወይ እያስባለ ያለው የአንድ አድርገን አካሔድ በርካታ የአካሄድ ስህተታቸውን እያጋለጠ ያለ ሲሆን በቤተክርስቲያን ውስጥ በሚነሳ ረብሻ እና ብጥብጥ ሁሉ አለሁላችሁ የሚለውን ማኅበረ ቅዱሳን ሀሳቦች እንደወረደ እየነገረን ማኅበሩን እስትራቴጂ አልባ አድርጎታል። ከእድሜ በቀር መንፈሳዊ አውቀት አልያም የስነጽሑፍ ዘዴን የማያውቁት ህጻነ አእምሮዎቹ አንድአድርገኖች ባልተገራ ብዕራቸው ያገኙትን እየጨረገዱ የማኅበሩን ውል አልባ እንቅስቃሴ እያሳዩን ይገኛሉ።

በዚህም ይሁን በዚያ ማኅበሩ የአመጻ ተቋም መሆኑ እየተደረሰበት መጥቷል፡፡ እግዚአብሔርን አማክሮ ሳይሆን በጥንቆላ እና በአመጻ የተቋቋመው ማኅበር  ተፈጥሮው እሺ ስለማይለው ከአመጽ አካሄድ መውጣት እየከበደው ይገኛል፡፡ ለመካሪ ያልተመቸው ማኅበር በመንግስት እጅ ሊወሰድበት የሚችለው እርምጃ ምን ሊሆን ይችላል የሚለው ሲደርስ የምናየው ይሆናል፡፡